ఆగస్టు 6 : ఢిల్లీ ట్రయల్ కోర్టులో బెయిల్ పిటిషన్ ను ఆగస్ట్ 6న వెనక్కి తీసుకున్నారు బీఆర్ఎస్ ఎమ్మెల్సీ కవిత. వాదనలు వినిపించేందుకు సీనియర్ న్యాయవాది అందుబాటులో లేకపోవడంతో కోర్టు సూచన మేరకు కవిత పిటిషన్ వెనక్కి తీసుకున్నారు.
సూర్య ప్రభా: ఆగస్టు 6 : ఢిల్లీ ట్రయల్ కోర్టులో బెయిల్ పిటిషన్ ను ఆగస్ట్ 6న వెనక్కి తీసుకున్నారు బీఆర్ఎస్ ఎమ్మెల్సీ కవిత. వాదనలు వినిపించేందుకు సీనియర్ న్యాయవాది అందుబాటులో లేకపోవడంతో కోర్టు సూచన మేరకు కవిత పిటిషన్ వెనక్కి తీసుకున్నారు. ఢిల్లీ లిక్కర్ స్కాంలో సీబీఐ దాఖలు కేసులో తనకు బెయిల్ ఇవ్వాలని కవిత రౌస్ అవెన్యూ కోర్టు ఢీఫాల్ట్ బెయిల్ పిటిషన్ దాఖలు చేశారు. ఈ పిటిషన్ ను ఆగస్ట్ 5న ట్రయల్ కోర్టు విచారించింది. అయితే వాదనలు వినిపించేందుకు సీనియర్ న్యాయవాది అందుబాటులో లేరని పిటిషన్ విచారణను వాయిదా వేయాలని కవిత తరపు న్యాయవాది కోర్టును కోరారు. ఈ సందర్భంగా జడ్జి కావేరి బవేజా కీలక వ్యాఖ్యలు చేశారు.. వాదనలు వినిపించకపోతే పిటిషన్ వెనక్కి తీసుకోండి..డీఫాల్ట్ బెయిల్ పిటిషన్ పై లాస్ట్ చాన్స్ ఇస్తున్నామని తెలిపారు. అనంతరం పిటిషన్ విచారణను ఆగస్ట్ 7 కు వాయిదా వేశారు. అయితే ఇవాళ కోర్టులో కవిత డీఫాల్ట్ పిటిషన్ ను వెనక్కి తీసుకోవం గమనార్హం…
హైదరాబాద్ సూర్య ప్రభా : తెలంగాణ అసెంబ్లీలో ద్రవ్యవినిమయ బిల్లుపై వాడీ వేడీ చర్చ జరుగుతోంది. అధికార, ప్రతిపక్ష నేతల మధ్య మాటలు తారాస్థాయికి చేరుకున్నాయి. బీఆర్ఎస్ వర్కింగ్ ప్రెసిడెంట్ కేటీఆర్‌‌పై ముఖ్యమంత్రి రేవంత్ రెడ్డి సెటైర్లు కురిపించారు. అలాగే రాష్ట్ర బడ్జెట్‌పై బీఆర్ఎస్ అధినేత కేసీఆర్ (BRS Chief KCR) చేసిన వ్యాఖ్యలపైనా సీఎం ఆగ్రహం వ్యక్తం చేశారు.
కాంగ్రెస్ బడ్జెట్ అన్ని వర్గాలను మోసం చేసిందని… అందరినీ వెన్నుపోటు పొడిచిందని.. ఈ ప్రభుత్వాన్ని చీల్చిచెండాడుతా అంటూ కేసీఆర్ హెచ్చరించిన విషయం తెలిసిందే.
దీనిపై రేవంత్ అసెంబ్లీలో ప్రస్తావించారు. ‘‘ఎన్నికలైపోయాయి, ప్రతిపక్షంగా మీ పాత్ర పోషించండి. కేసీఆర్ చీల్చి చెండాడుతా అంటే.. బుల్లెట్ ప్రూఫ్ జాకెట్ వేసుకుని వచ్చా’’ అంటూ సీఎం సెటైర్ విసిరారు.
అలాగే… కేటీఆర్‌కు ఆర్టిఫీషియల్ ఇంటలిజెన్స్‌లకు పోలిక ఉందని.. కేటీఆర్ వంద పర్సెంట్ ఆర్టిఫీషియల్, సున్నా పర్సెంట్ ఇంటిలిజెన్స్ అంటూ ఎద్దేవా చేశారు. కేటీఆర్‌కు ఓపిక, సహనం ఉండాలని సలహా ఇచ్చారు.
కేటీఆర్‌కు అనుకోకుండా పదవి వచ్చిందని ముఖ్యమంత్రి అన్నారు. సభను తప్పుదోవ పట్టించటానికి కేటీఆర్‌కు ఇచ్చిన సమయాన్ని వినియోగించుకోవడానికి చూస్తున్నారని మండిపడ్డారు. సూచనల రూపంలో మోసాన్ని ప్రజల మెదళ్లలో కుక్కే ప్రయత్నం కేటీఆర్ చేస్తున్నారని మండిపడ్డారు.
‘‘పదేళ్ల మీ పాలనలో మీ అనుభవాలు మీకు ఉన్నాయి.. ప్రజలకు అనుభవాలు ఉన్నాయి. మీ పాలన అనుభవాలతో ప్రజలు మాకు అధికారం ఇచ్చారు’’ అని అన్నారు. పది నెలలు నిండని ప్రభుత్వంపై వందల ఆరోపణలు చేస్తున్నారన్నారు
మేమేమీ మీలాగా చెప్పలేదు…
బతుకమ్మ చీరలు సిరిసిల్ల చేనేత కార్మికులు తయారు చేశారా? సూరత్ నుంచి తెచ్చారా? అని ప్రశ్నించారు. బతుకమ్మ చీరల పథకంలో అవినీతి జరిగిందన్నారు. నేత కార్మికులకు పని కల్పించామంటూ అబద్ధాలు చెప్పారని తెలిపారు.
బతుకమ్మ చీరల డబ్బులు బకాయి పెడితే తాము చెల్లించామన్నారు. బతుకమ్మ చీరల కాంట్రాక్ట్‌ బినామీలకు అప్పగించారని.. సూరత్ నుంచి కిలోల చొప్పున చీరలు తెచ్చి కమీషన్‌ కొట్టేశారని ఆరోపించారు. ఎయిర్ పోర్టుకు ఎంఎంటీఎస్ సౌకర్యం కల్పిస్తామని కేంద్రం చేబితే వద్దని కేసీఆర్, కేటీఆర్ తిరస్కరించారన్నారు
ఎంఎంటీఎస్‌ను విమానాశ్రయం వరకు వేస్తామంటే అనుమతి ఎందుకివ్వలేదని ప్రశ్నించారు. దీనివెనుక ఆర్థిక కుట్ర ఏంటో అందరికి తెలియాలన్నారు. తామెప్పుడు పాతబస్తీని ఇస్తాంబుల్‌ చేస్తామని చెప్పలేదని… హుస్సేన్‌సాగర్‌ నీళ్లను కొబ్బరినీళ్లలాగా మార్చుతామనలేదని అన్నారు.
యంగ్ ఇండియా స్కిల్ యునివర్సిటీ రేపు ప్రారంభిస్తామన్నారు. టూరిజం హబ్‌ క్రియేట్‌ చేస్తామంటున్నామని… ప్రపంచస్థాయి వైద్యం హైదరాబాద్ నగరంలో అందుబాటులోకి వచ్చేలా ప్రయత్నం చేస్తున్నామని తెలిపారు.
ఏషియన్‌ గేమ్స్‌ నిర్వహించిన హైదరాబాద్‌లో అన్ని స్టేడియంలు , ఆట స్థలాలు తాగుబోతులకు అడ్డాలుగా మారుతున్నాయన్నారు. ఒలింపిక్స్‌లో కాంస్యం వస్తేనే వందకోట్ల మంది సంబరపడే పరిస్థితి ఉందన్నారు. నిఖత్‌ జరీన్‌కు ఉద్యోగం ఇస్తామని చెప్పి గత బీఆర్ఎస్ సర్కార్ ఇవ్వలేదని మండిపడ్డారు.
హైదరాబాద్‌లో 22 క్యారెట్ల 10 గ్రాముల బంగారం ధర రూ.63, 240గా ఉంది. 24 క్యారెట్ల మేలిమి బంగారం రూ. 68,990గా ఉంది. విజయవాడ, విశాఖపట్నంలో 22 క్యారెట్ల బంగారం ధర రూ.63,240గా ఉంది. 24 క్యారెట్ల మేలిమి బంగారం ధర రూ. 68, 990గా ఉంది.
హైదరాబాద్ సూర్య ప్రభా: హైదరాబాద్: బంగారం అంటే మహిళలకు మక్కువ ఎక్కువ. వివిధ ఆభరణాలు ధరించేందుకు తెగ ఇంట్రెస్ట్ చూపిస్తుంటారు. పెళ్లిళ్లు, ఫంక్షన్లలో డిఫరెంట్ జ్యువెల్లరి ధరించి ధగధగ మెరుస్తుంటారు. ఆషాఢ మాసంలో బంగారం ధరలు కాస్త దిగొచ్చాయి. కేంద్ర ప్రభుత్వం ప్రవేశపెట్టిన బడ్జెట్ తర్వాత తులం బంగారంపై రూ.10 వేల వరకు తగ్గింది. వచ్చేది శ్రావణ మాసం, అందులో పెళ్లిళ్ల సీజన్ ఉంటుంది. ఇంకేముంది ఆ సమయంలో శుభకార్యాల కోసం కొందరు ఇప్పుడే బంగారం కొనుగోలు చేస్తున్నారు. బంగారం కొని, ఆభరణాలకు ఆర్డర్ ఇస్తున్నారు. సోమవారం రోజున బంగారం ధర మరింత తగ్గింది. ముందు ముందు మరింత తగ్గే అవకాశం ఉందని వ్యాపారులు అంచనా వేస్తున్నారు. 24 క్యారెట్ల 10 గ్రాముల మేలిమి బంగారం ధర రూ.65 వేల వరకు తగ్గొచ్చని వివరించారు. హైదరాబాద్‌లో ఇలా..హైదరాబాద్‌లో 22 క్యారెట్ల 10 గ్రాముల బంగారం ధర రూ.63, 240గా ఉంది. 24 క్యారెట్ల మేలిమి బంగారం రూ. 68,990గా ఉంది. విజయవాడ, విశాఖపట్నంలో 22 క్యారెట్ల బంగారం ధర రూ.63,240గా ఉంది. 24 క్యారెట్ల మేలిమి బంగారం ధర రూ. 68, 990గా ఉంది. వెండి ధరలు మాత్రం స్థిరంగా కొనసాగుతున్నాయి. హైదరాబాద్, విజయవాడ, విశాఖపట్టణం, చెన్నై, కేరళలో కిలో వెండి ధర రూ.88,900గా ఉంది. ఢిల్లీ, ముంబై, పుణెలో కిలో వెండి ధర రూ. 84,400గా ఉంది. ఢిల్లీలో ఇలా..ఢిల్లీలో 22 క్యారెట్ల 10 గ్రాముల బంగారం ధర రూ.63,390గా ఉంది. 24 క్యారెట్ల మేలిమి బంగారం ధర రూ. 69,140గా ఉంది. ముంబైలో 22 క్యారెట్ల బంగారం ధర రూ.63,240గా ఉంది. 24 క్యారెట్ల బంగారం రూ.68,990గా ఉంది. చెన్నైలో 10 గ్రాముల 22 క్యారెట్ల బంగారం ధర రూ.64,640గా ఉంది. 24 క్యారెట్ల మేలిమి బంగారం ధర రూ. 70,520గా ఉంది. బెంగళూర్‌లో 22 క్యారెట్ల 10 గ్రాముల బంగారం ధర రూ.63,240గా ఉంది. 24 క్యారెట్ల మేలిమి బంగారం ధర రూ.68,990గా ఉంది.
కుత్బుల్లాపూర్ సూర్య ప్రభా: కుత్బుల్లాపూర్ నియోజకవర్గం 126 జగద్గిరిగుట్ట డివిజన్ పరిధి జగద్గిరిగుట్ట లో శ్రీ వాసవి కన్యకా పరమేశ్వరి అమ్మవారి జన్మదిన మరియు శాఖంబరి అలంకరణ కార్యక్రమం సందర్బంగా దేవస్థాన కమిటీ సభ్యుల ఆహ్వానం మేరకు ఆలయానికి విచ్చేసి అమ్మవారిని దర్శించుకొని ప్రత్యేక పూజలు నిర్వహించిన బీజేపీ మేడ్చల్ అర్బన్ జిల్లా కార్యదర్శి చెరుకుపల్లి భరత్ సింహ రెడ్డి.ఈ కార్యక్రమం లో మహేందర్,కైలాసం గుప్త,రేగూరి ప్రవీణ్ గుప్త,ఉప్పల రమేష్ గుప్త,నేతి శంకర్ గుప్త,లక్ష్మణ్ రావు గుప్త,సురేష్ గుప్త, వీరేందర్ గుప్త,స్వామి గుప్త, సత్యనారాయణ గుప్త,నరసయ్య గుప్త,కృష్ణ మూర్తి గుప్త,నర్సింహా గుప్త,ఉపేందర్ గుప్త,నార్లకంటి దుర్గయ్య, నార్లకంటి ప్రతాప్, సాయిలు, నాగదీప్ గౌడ్, మహేష్, శ్రవణ్, శివ, శ్యామ్ తదితరులు పాల్గొన్నారు
బాన్సువాడ సూర్య ప్రభా: బాన్సువాడ నియోజకవర్గంలో డబుల్ బెడ్ రూమ్ ఇళ్ళ నిర్మాణానికి సంబంధించి మంజూరైన బిల్లుల చెక్కులను శుక్రవారం లబ్ధిదారులకు పంపిణీ చేసిన మాజీ శాసన సభాపతి, మాజీ మంత్రి, బాన్సువాడ నియోజకవర్గ శాసనసభ్యులు శ్రీ పోచారం శ్రీనివాసరెడ్డి .కోటగిరి మండల కేంద్రం AS ఫంక్షన్ హాల్లో మరియు బాన్సువాడ పట్టణంలోని పోచారం శ్రీనివాస్ రెడ్డి నివాసంలో జరిగిన ఈ బిల్లు చెక్కుల పంపిణీ కార్యక్రమంలో పాల్గొన్న రాష్ట్ర ఆగ్రోస్ చైర్మన్ కాసుల బాలరాజు , మున్సిపల్ చైర్మన్ జంగం గంగాధర్, నాయకులు పోచారం సురేందర్ రెడ్డి , స్థానిక ప్రజాప్రతినిధులు, నాయకులు, అధికారులు, లబ్ధిదారులు.
ఈసందర్భంగా పోచారం శ్రీనివాస్ రెడ్డి మాట్లాడుతూ……..
రాష్ట్రంలో అత్యధికంగా 11,000 డబుల్ బెడ్ రూం ఇళ్ళు మంజూరు అయిన ఏకైక నియోజకవర్గం బాన్సువాడ.ఇందులో 4000 ఇళ్ళను కాంట్రాక్టర్ల ద్వారా నిర్మిస్తే, మిగతా 7000 ఇండ్లను లబ్ధిదారులు స్వంతంగా కట్టుకున్నారు.స్వంత స్థలంలో డబుల్ బెడ్ రూం ఇళ్ళు కట్టుకునే GO ఈరోజుకు కూడా రాష్ట్రంలో లేదు. అయినా మొండి దైర్యం, పేదలకు స్వంత ఇల్లు ఉండాలనే సంకల్పంతో బాన్సువాడ నియోజకవర్గంలో నేను మొదలు పెట్టాను.పేదలు కట్టుకుని సంతోషంగా ఉన్నారు.డబుల్ బెడ్ రూం ఇళ్ళకు సంబంధించిన బిల్లులు గత ప్రభుత్వంలో 93 శాతం వచ్చాయి.ఇంకా కేవలం ఇరవై కోట్ల రూపాయలు మాత్రమే పెండింగ్ లో ఉన్నాయి.నేను కాంగ్రెస్ పార్టీలో చేరే రోజు కూడా బాన్సువాడ నియోజకవర్గంలోని డబుల్ బెడ్ రూం ఇళ్ళకు సంబంధించిన పెండింగ్ బిల్లులు ఇవ్వాలని ముఖ్యమంత్రి రేవంత్ రెడ్డి ని కోరాను.రైతులకు రుణమాఫీ అమలు జరుగుతున్న కఠిన పరిస్థితులలో కూడా ప్రస్తుతం ఎనిమిది కోట్ల రూపాయలు మంజూరు అయ్యాయి.బిల్లులు మంజూరు చేసిన ముఖ్యమంత్రి రేవంత్ రెడ్డి కి, ఆర్ధిక శాఖ మంత్రి భట్టి విక్రమార్క కి, గృహ నిర్మాణ శాఖ మంత్రి పొంగులేటి శ్రీనివాసరెడ్డి కి హృదయపూర్వక ధన్యవాదాలు.కొద్ది రోజుల్లోనే మిగితావి కూడా వస్తాయి. లబ్ధిదారులకు అందిస్తాం.గత పదేళ్ళలో బాన్సువాడ నియోజకవర్గం అన్ని రంగాలలో అభివృద్ధి చెందింది. ఇంకా కొన్ని పనులు మధ్యలో ఉన్నాయి. నేను రిటైర్ అయ్యే లొపు మొదలు పెట్టిన పనులు పూర్తి చేసి ప్రజలకు అభివృద్ధి ఫలాలు అందించడమే నా ఆశయం. పార్టీ మారే రోజు కూడా నాకు మంత్రి పదవి అవసరం లేదు, నియోజకవర్గ అభివృద్ధికి అవసరమైన నిధులు ఇవ్వమని కోరాను. ముఖ్యమంత్రి అంగీకరించారు.పార్టీ మారడంలో నాకు ఎలాంటి స్వార్థం లేదు. బాన్సువాడ నియోజకవర్గ అభివృద్ధి కోసమే పార్టీ మారాను.
పంచాయతీ ఎన్నికలకు గ్రీన్ సిగ్నల్… రిజర్వేషన్లలో ఎలాంటి మార్పు లేదు
హైదరాబాద్ సూర్య ప్రభా : తెలంగాణ రాష్ట్రంలో మళ్ళీ మోగనున్న ఎన్నికల నగారా! గ్రామ పంచాయతీ ఎన్నికలకు రంగం సిద్ధం.. కాంగ్రెస్ ప్రభుత్వం గ్రీన్ సిగ్నల్..పంచాయతీ ఎన్నికలపై సీఎం రేవంత్ రెడ్డి కీలక నిర్ణయం తీసుకున్నారు. స్థానిక సంస్థల ఎన్నికలకు సంబంధించి ఈ రోజు సీఎం అధికారులతో సమావేశం నిర్వహించారు.ఈ సందర్భంగా ఆయన మాట్లాడుతూ.. ఇప్పటికే సర్పంచ్ ల పదవీకాలం ముగిసి ఆరు నెలలు కావొస్తుందన్నారు. ఈ నేపథ్యంలో రిజర్వేషన్లలో ఎలాంటి మార్పు లేకుండా గత రిజర్వేషన్లలే కొనసాగించాలని అధికారులకు సూచించారు.ఆగస్టు నెలలో ఎన్నికలు నిర్వహించాలని నిర్ణయించినట్లు చెప్పారు. ఈ సమావేశంలో మంత్రి సీతక్కతో పాటు అధికారులు పాల్గొన్నారు.ఈ ఏడాది ఫిబ్రవరిలో సర్పంచ్ ల పదవీకాలం ముగిసింది. అప్పటి నుంచి పంచాయతీల పాలనను ప్రత్యేకాధికారులకు అప్పగించిది ప్రభుత్వం.పంచాయతీరాజ్ పై ముగిసిన సీఎం సమీక్షకొత్త ఓటరు జాబితాను ఆగస్టు మొదటివారంలోగా పూర్తి చేయాలని సూచించిన ముఖ్యమంత్రి.ఓటరు జాబితా పూర్తయిన వెంటనే నిర్దిష్ట గడువులోగా రిపోర్ట్ ఇవ్వాలని బీసీ కమిషన్ కు సూచించిన సీఎం.బీసీ కమిషన్ రిపోర్ట్ ఆధారంగా పంచాయతీ ఎన్నికల నిర్వహణపై నిర్ణయం తీసుకోనున్న ప్రభుత్వం.వీలైనంత త్వరగా ఎన్నికల నిర్వహణకు అవసరమైన ప్రక్రియను పూర్తి చేయాలని అధికారులను ఆదేశించిన సీఎం.ఈ నెల 4తో ఎంపీటీసీలు, జడ్పీటీసీల టర్మ్ ముగిసింది. మండల పరిషత్ ల బాధ్యతలను ఎంపీడీఓ పై ర్యాంక్ అధికారులకు, జిల్లా పరిషత్ ల బాధ్యతలను కలెక్టర్లు, అదరపు కలెక్టర్లకు అప్పగించింది ప్రభుత్వం.మరి వేచి చూడాల్సిందే ఈ ఎన్నికల ప్రచారంలో ఎవరు గెలుస్తారో…
తెలంగాణ, ఆంధ్ర ప్రదేశ్ రాష్టాల దళిత సంఘాల నేతలు డిమాండ్.
సూర్య ప్రభా దేవరకొండ: డిండి మండల హెడ్ క్వార్టర్ లో శుక్రవారం నాడు తెలంగాణ ఆంధ్ర ప్రదేశ్ రాష్ట్రాల దళిత సంఘాలనేతలు విలేకరుల సమావేశంలో మాట్లాడుతూ,ఖమ్మం జిల్లా అశ్వరావుపేట ఎస్సై మృతికి కారుకులైన అధికారులను డిస్మిస్ చేయాలనీ, ఎస్సై కుటుంబాన్ని తెలంగాణ రాష్ట్ర ప్రభుత్వం ఆదుకోవాలనీ ,తెలంగాణ, ఆంధ్రప్రదేశ్ రాష్టాల దళిత సంఘాల నాయకులు ఎమ్మార్పీఎస్ రాష్ట్ర ప్రధాన కార్యదర్శిముదిగొండ ఎల్లేష్ మాదిగ, ఆంధ్రప్రదేశ్ మాల మహానాడు రాష్ట్ర వర్కింగ్ ప్రెసిడెంట్ కోమ్మతోటి పౌలు డిమాండ్ చేశారు.తెలంగాణ,ఆంధ్ర ప్రదేశ్ రాష్ట్రాలలో దళిత ఉద్యోగులను వేదిస్తే సహించేది లేదని హెచ్చరించారు, దళిత ఉద్యోగులను వేదిస్తున్నటువంటి ఉద్యోగులపై చర్యలు తీసుకోవాలని అన్నారు,ఈ కార్యక్రమంలో ఎమ్మార్పీఎస్ టీఎస్ మేడి పాపన్న వర్గం దేవరకొండ నియోజకవర్గం కన్వీనర్ ఎర్ర యాదగిరి, ఎమ్మార్పీఎస్ టీఎస్ వంగపల్లి వర్గం మండల కన్వీనర్ ముడి శ్రీను ,మాల మహానాడు నాయకులు మైనర్ బాబు, జార్జ్, యోగి,తదితరులు పాల్గొన్నారు.
పాల్గొన్న కార్పొరేటర్ బండారు శ్రీవాణి వెంకట్ రావు, బిఆర్ఎస్ నాయకులు గంధం నాగేశ్వర్ రావు
సూర్య ప్రభా: ఉప్పల్ : రామంతపూర్ పరిధిలోని రాజేంద్ర నగర్ లో చిన్న పిల్లలకి వేసే వ్యాక్సిన్ సెంటర్ నీ సందర్శించిన ఉప్పల్ ఎమ్మెల్యే బండారి లక్ష్మారెడ్డి సందర్శించారు.ఈ సందర్భగా ఆయన మాట్లాడుతూ నిర్ణీత గడువులోగా పిల్లల కి సమయానికి వ్యాక్సిన్ వేయించాలి అని తలిదండ్రులకు సూచించారు.ఈ కార్యక్రమంలో కార్పొరేటర్ బండారు శ్రీవాణి వెంకట్ రావు, బి ఆర్ ఎస్ పార్టీ రాష్ట్ర నాయకులు గంధం నాగేశ్వర్ రావు , నాయకులు పవన్ ఆశ వర్కర్లు తదితరులు పాల్గొన్నారు.
సూర్య ప్రభా: శేరిలింగంపల్లి: మియాపూర్ జనప్రియ అపార్ట్మెంట్స్ పై నుండి దూకి ఓయువతి ఆత్మహత్య కు పాల్పడింది..ఈ ఘటన మియాపూర్ పోలీస్ స్టేషన్ పరిధిలో చోటు చేసుకున్నది. ప్రాథమిక సమాచారం మేరకు జనప్రియ అపార్ట్మెంట్స్ లో నివాసం ఉండే బోరుగడ్డ శ్రుతి (35) ఎంఫార్మసీ చదువుతున్నది కాగా ఆమెకు ఎన్ని పెళ్ళి సంబంధాలు చూసినా కుదరక పోవడంతో శృతి డిప్రెషన్ లో ఉన్నది. ఈ క్రమంలో ఉదయం 11 గం లకు అపార్ట్మెంట్ 4 వ అంతస్తు పై నుంచి దూకింది. స్థానికులు గమనించి హుటాహుటిన చికిత్స నిమిత్తం యువతిని మియాపూర్ లోని ఓ ప్రైవేట్ హాస్పిటల్ కి తరలించారు. తీవ్ర రక్త స్రవంతో ఉన్న యువతి అప్పటికే మృతి చెందినట్లు తెలిపిన వైద్యులు….హాస్పిటల్ కి చేరుకున్న పోలీసులు కేసు నమోదు చేసుకుని అన్ని కోణాల్లో దర్యాప్తు చేపట్టిన మియాపూర్ పోలీసులు.
శేరిలింగంపల్లి సర్కిల్ -20 పరిధిలోని కొండాపూర్ రాఘవేంద్ర కాలనీలో గల విజేత సూపర్ మార్కెట్ ను గురువారం జిహెచ్ఎంసి అధికారులు సీజ్ చేశారు. రాఘవేంద్ర కాలనీలోని హై టెన్షన్ రహదారికి ఆనుకొని ఉన్న విజేత సూపర్ మార్కెట్ అక్రమ నిర్మాణ నిర్మాణమని, సదరు నిర్మాణాన్ని కూల్చివేయాలని కోర్టు ఉత్తర్వులు జారీ చేసింది. అయితే గురువారం శేరిలింగంపల్లి టౌన్ ప్లానింగ్ అధికారులు, స్పెషల్ టాస్క్ ఫోర్స్ టీం ఆధ్వర్యంలో సూపర్ మార్కెట్ ను మూసి వేయించి సదురు భవనాన్ని సీజ్ చేశారు. కొండాపూర్ రాఘవేంద్ర కాలనీ హై టెన్షన్ రహదారిపై ఏర్పాటు చేసిన విజేత సూపర్ మార్కెట్ నిర్మాణం పూర్తిగా అక్రమ నిర్మాణం అంటూ కుమార్ యాదవ్ అనే వ్యక్తి జిహెచ్ఎంసి అధికారులకు ఫిర్యాదు చేయడంతో పాటు కోర్టును ఆశ్రయించాడు.కుమార్ యాదవ్ ఫిర్యాదు పై స్పందించిన కోర్టు సదరు నిర్మాణాన్ని కూల్చివేయాలని శేరిలింగంపల్లి డిప్యూటీ కమిషనర్ ను ఆదేశించింది. శేరిలింగంపల్లి సర్కిల్ టౌన్ ప్లానింగ్ అధికారులు, స్పెషల్ టాస్క్ ఫోర్స్ డిఈ విశాలాక్షి ఆధ్వర్యంలో గురువారం విజేత సూపర్ మార్కెట్ ను సీజ్ చేశారు.
